శ్వాస తీసుకునే* కాళహస్తీశ్వర్

*సముద్రమే వెనక్కివెళ్లే*
1. గుజరాత్ నిష్కళంక మహాదేవ్,
2. 40 ఏళ్లకు ఒకసారి సముద్ర జల పూజ జరిగే పుంగనూరు శివాలయం.

*స్త్రీవలె నెలసరి* అయ్యే

1. అస్సాం కామాఖ్యా అమ్మవారు,
2. కేరళ దుర్గామాత.

*బహ్మ పేరు తో ఏకైక శివాలయాలు*

అలంపూరులో నవఁబహ్మేశ్వర ఆలయాలు
9 రూపాలలో శివలింగాలు ఉంటాయి

*రంగులు మారే ఆలయం.*

1. ఉత్తరాయణం, దక్షిణాయనం లో రంగులు మారే తమిళనాడు అతిశయ వినాయక దేవాలయం.
2. పౌర్ణమికి తెల్లగా, అమావాస్యకు నల్లగా రంగుమారే శివాలయం పశ్చిమ గోదావరి జిల్లా లోని భీమవరం సోమేశ్వర స్వామి వారి ఆలయం.
పాపపుణ్యాలను బట్టి నీరు తాకే శివగంగ, నెయ్యి వెన్న గ మారేది ఇక్కడే.

*నిరంతరం పెరుగుతూన్న విగ్రహాలు*

 1. కాణిపాకం,
2. యాగంటి బసవన్న,
3. కాశీ తిలభండేశ్వర్,
4. బెంగుళూరు బసవేశ్వర్
5. బిక్కవోలు లక్ష్మీగణపతి

*స్వయంభువుగా*

సంవత్సరానికి ఒకసారి వెలిసే అమర్నాధ్.
*ఆరునెలలకు ఒకసారి తెరిచే*
1. బదరీనాథ్,
2. కేదారనాథ్ (ఆరునెలల తరువాత దీపం వెలుగుతూనే ఉంటుంది)
3. గుహ్యకాళీమందిరం.

*సంవత్సరానికి ఒకసారి తెరిచే ఆలయాలు*
హాసంబా దేవాలయం, హాసన్ కర్ణాటక. సంవత్సరం తరువాత పెట్టిన అన్న ప్రసాదాలు చెడిపోకుండా అలానే ఉంటాయి.

*12 ఏళ్లకు ఒకసారి*
పిడుగుపడే తిరిగి అతుక్కునే బిజిలి మహాదేవ్, హిమాచల్ ప్రదేశ్.

*స్వయంగా ప్రసాదం తినే*
1. కేరళ శ్రీ కృష్ణ దేవాలయం.
2. బృందావనం రాధాకృష్ణ శయనమందిరం

*ఒంటి స్తంభంతో*
యుగాంతానికి గుర్తుగా ఉండే పూణే కేధారేశ్వర్, ఇక్కడ వేసవి వేడిలోకూడా నీరు చల్లగా ఊరుతుంది.

*రూపాలు మారే*
ఉత్తరఖండ్ రోజులో మూడు రూపాలు మారే దారిదేవి.

*నీటితో దీపం వెలిగించే* ఘడియ ఘాట్ మాతాజీ మందిర్, మధ్యప్రదేశ్. అమ్మవారు కలలో పూజారికి కనబడి ఇక నుండి దీపం నీటితో వెలిగించమని చెప్పింది, ఇప్పటికి అలాగే జరుగుతూ ఉంది.

*మనిషి శరీరం వలె ఉండే ఆలయాలు*
1. హేమాచల నరసింహ స్వామి.
2. శ్రీశైలం వద్ద ఇష్టకామేశ్వరీ దేవి

*మనిషి వలె గుటకలు*
వేస్తూ పానకం త్రాగే పానకాల నరసింహ స్వామీ.

*అన్నం ఉడికేంత వేడిగా నీరు ఉండే యమునేత్రి.*

*ఛాయా విశేషం*
1. ఛాయాసోమేశ్వరం, స్థంభం నీడ ఉంటుంది.
2. హంపి విరూపాక్షేశ్వర్, గోపురం నీడ reverse order లో ఒక చోట పడుతుంది.
3. బృహదీశ్వరాలయం

*నీటిలో తేలే* విష్ణువు _(వేల టన్నుల బరువుంటుంది ), నేపాల్_

*పూరీ*
_పక్షులు ఎగరని పూరి, సముద్ర ఘోష వినని పూరి, సముద్రం వైపే గాలి వీచే పూరి, గోపురం నీడ పడని పూరి, దేవునికి సమర్పించగానే ఘుమ ఘుమలాడే పూరి ప్రసాదం._

నిరంతరం జ్వాలారూపంగా వెలుగుతూ దర్శనం ఇచ్చే ఆలయాలు.

 నిరంతరం జ్వాలారూపంగా వెలుగుతూ దర్శనం ఇచ్చే ఆలయాలు.

1. అమ్మవారు జ్వాలగా వెలిగే జ్వాలాముఖి.

2. నిరంతరం జ్వలించే అరుణాచలేశ్వర్,

3. మంజునాథ్.

 *_నిరంతరం జలము ప్రవహించే దేవాలయాలు:_*

1. _మహానంది_
2. _జంబుకేశ్వర్_
3. _బుగ్గరామలింగేశ్వర్_
4. _కర్ణాటక కమండల గణపతి._
5. _హైదరాబాద్ కాశీ బుగ్గ శివాలయం._
6. _బెంగళూర్ మల్లేశ్వర్_
7. _రాజరాజేశ్వర్_ _బెల్లంపల్లి శివాలయం_
8. _సిద్ధగంగా_
9._అలంపురం_

 సంవత్సరానికి ఒక సారి సూర్య కిరణాలు తాకే దేవాలయాలు_:*

1. _నాగలాపురం వేదనారాయణ స్వామి దేవస్థానం._
2. _కొల్లాపూర్ లక్ష్మి దేవస్థానం._
3. _బెంగళూర్ గవిగంగాధర్ దేవస్థానం._
4. _అరసవెల్లి సూర్య నారాయణ దేవస్థానం._
5. _మొగిలీశ్వర్._
6. _కోదండరామ దేవాలయం, కడప జిల్లా._
7._సూర్యనారాయణ దేవాలయం జోగుళాంబ అలంపూరు గద్వాల జిల్లా_

అరుణాచలం (తిరువణ్ణామలై)

 జీవకోటి యాత్రలో ఒక గీత అడ్డంగా పెడతారట. ఏమా గీత అంటే... అరుణాచల ప్రవేశానికి పూర్వం, తర్వాత అట. ‘అందరూ అరుణాచలంలోకి ప్రవేశించలేరు’ అని ఓ సిద్ధాంతం ఉంది. నేనూ ఈ సిద్ధాంతాన్ని నమ్మాను. ఎందుకంటే పదేళ్ల నుంచి అక్కడికి వెళ్లాలని వెళ్లలేకపోయాను. ఈసారి ఎలాగైనా వెళ్లాలని సంకల్పించుకున్నాను.

అరుణాచలేశ్వరుడి చుట్టూ 14 కిమీ గిరి ప్రదక్షిణం నడక... ఇది కేవలం యాత్ర కాదు, ఒక జీవన మార్గం. ఈ ప్రదక్షిణ వల్ల మనస్సు శుద్ధి, ఆత్మాన్వేషణ, శివ అనుగ్రహం లభిస్తాయి. 

అరుణాచలం ఎలా వెళ్లాలి? ఎప్పుడు వెళ్లాలి? ఎలా చేయాలి మీకున్నా అన్ని సందేహాలకు ఈ పోస్ట్ మీకు ఎంతగానో ఉపయోగపడుతుంది.

1. అరుణాచల క్షేత్ర మహిమ ఏమిటీ?

అరుణాచలం (తిరువణ్ణామలై) శైవమతంలో అత్యంత పవిత్రమైన క్షేత్రాలలో ఒకటి. ఇది ఐదు భూతలింగాలలో అగ్నిలింగం కి ప్రతీక.

‘‘అరుణాచలేశ్వరుడు’’ అనగా – ఆరున్ (తేజస్సు), అచల (అచంచలుడు) – శివుడు స్వయంగా తేజోమయంగా లింగరూపంలో వెలసిన స్థలం.

శివుడు తన స్వరూపాన్ని చూపించడానికి ఎక్కడో వెలయించబడతాడు కానీ, ఇక్కడ ఆయన స్వయంగా ‘గిరిరూపం’ గా వెలసాడు. అందుకే అరుణాచలం కేవలం శిల కాదు – శివుడే!

అరుణాచలం గిరిప్రదక్షిణం చేసిన మహనీయులు – ఋషులు, యోగులు, గురువులు

1. భగవాన్ శ్రీ రమణ మహర్షి (Bhagavan Sri Ramana Maharshi)

అరుణాచల గిరిప్రదక్షిణాన్ని అత్యంత పవిత్ర సాధనంగా పరిగణించిన ఆధునిక యోగి.

ఆయ‌న జీవితంలో ఎన్నో సార్లు అరుణాచలం చుట్టూ కాలినడకన ప్రదక్షిణ చేశారు.

"గిరిప్రదక్షిణం అనేది పర్వతాన్ని కాకుండా, శివుని చుట్టూ తిరిగే విధానం" అని రమణ మహర్షి తత్వబోధ.

2. శ్రీ శేషాద్రి స్వామి (Sri Seshadri Swamigal)

రమణ మహర్షికి సమకాలికుడు.

తిరువణ్ణామలై లోనే నివసిస్తూ అరుణాచల గిరిప్రదక్షిణతో తన భక్తులను ఉద్ధరించారు.

3. గౌతమ మహర్షి (Gautama Maharshi)

పురాణాల ప్రకారం, గౌతమ మహర్షి అరుణాచల ప్రాంతంలో తపస్సు చేసి శివానుగ్రహాన్ని పొందాడు.

శివుడు ఈ ప్రాంతంలో స్వయంగా ‘తేజో లింగంగా’ వెలసినట్లు మొదటి సంబందం గౌతమ మహర్షి ద్వారా తెలియజేయబడింది.

4. విరూపాక్ష ఋషి (Virupaksha Deva or Rishi)

ఆయన సాధనానికి ప్రసిద్ధమైన విరూపాక్ష గుహ ఇప్పటికీ అరుణాచల పర్వతంలో ఉంది.

ఆయన అరుణాచలాన్ని శివ స్వరూపంగా చూసి దశాబ్దాలుగా ఆ గుహలో నివసించారు.

5. యోగి రామయ్య (Yogi Ramsuratkumar)

ఉత్తర భారతదేశం నుంచి వచ్చిన గాఢమైన తపస్వి.

తిరువణ్ణామలైలో అరుణాచలేశ్వరుని చుట్టూ ఎన్నో సార్లు గిరిప్రదక్షిణ చేశాడు.

“Viswaroopa of Arunachala” అనే ఆయన మాటలు ప్రసిద్ధం.

6. శ్రీ శివప్రభునంద స్వామి (Sri Shivaprabhananda Swami)

అరుణాచలం గురించి విస్తృతంగా గ్రంథాలు రచించిన ఋషిసమానం గురువు.

గిరిప్రదక్షిణ సాధన విధానాన్ని తాను అనుసరించడమే కాక, భక్తులకు కూడా ప్రేరణగా నిలిచారు.

ఇతర ప్రసిద్ధ ఆధ్యాత్మికుల ప్రస్తావన:

అప్పర్, సంధానర్, జ్ఞానసంబంధర్, మాణిక్యవాచకర్ వంటి నాయనార్లు అరుణాచలేశ్వరుని భక్తులుగా ప్రసిద్ధులు.

శ్రీ శంకరాచార్యులు కూడా అరుణాచల మహత్యాన్ని అభినందిస్తూ కొన్ని శ్లోకాల ద్వారా గుర్తించారని నమ్మకం.

అనేక సాధకులు పేరు తెలియని యోగులు ఈ పర్వతాన్ని తమ జీవితధ్యేయంగా మార్చుకున్నారు.

సూచనలు:

ఈ గురువులు చేసిన గిరిప్రదక్షిణ అనుభవాలు వారి ఆశ్రమాలలో, గుహలలో, ప్రేరణాత్మక రచనలలో ఉద్ఘాటించబడ్డాయి. అరుణాచల పర్వతం కేవలం శిల గోపురం కాదు – అది జీవంత శివ తత్త్వం. గురువులు నడిచిన ఆ బాటలో మనం కూడా ఒక అడుగు వేయడం సాకారం మార్గానికి మొదటి మెట్టు.

2. అరుణాచల గిరి ప్రదక్షిణం ఎలా చేయాలి?

గిరి ప్రదక్షిణం అంటే అరుణాచల పర్వతాన్ని చుట్టూ నడిచి ప్రదక్షిణ చేయడం. దాదాపు 14 కి.మీ. మేర నడక ఉంటుంది. ఇది సాధారణ నడక కాదు – ఒక ఆధ్యాత్మిక సాధన.

#ఎలా_చేయాలి?

కాలినడకన చేయాలి. సాధ్యమైనంత వరకూ పాదయాత్రే శ్రేష్ఠం. శరీర శ్రమ, మనస్సు ఏకాగ్రతతో భక్తి లభిస్తుంది.

“అరుణాచల శివా” అనే నామస్మరణతో నడవాలి.

రాత్రిపూట ప్రదక్షిణ చేయడం పవిత్రంగా భావిస్తారు – చందమామ వెలుతురులో పర్వతం దేవతా స్వరూపంగా అనిపిస్తుంది.

గొప్ప శౌచం, దినచర్య, ఆహార నియమాలు పాటిస్తూ చేయాలి.

ప్రదక్షిణ ప్రారంభానికి ముందు స్నానం చేయడం, శుద్ధ బద్ధంగా ఉండడం శుభకరం.

ప్రదక్షిణలో #ముఖ్యమైనక్షేత్రాలు:

అష్టలింగాలు (ఇవి 8 మూలదిక్కులకు ప్రతీకలు): ఇంద్ర లింగం, అగ్ని లింగం, యమ లింగం, నిరుతి లింగం, వరుణ లింగం, వాయు లింగం, కుబేర లింగం, ఈశాన్య లింగం.

మనం గిరిప్రదక్షిణం చేస్తున్న కొండ చుట్టూ ఈ 8 లింగాలు రోడ్డు పక్కనే ఉంటాయి. వాటిని దర్శించుకొని మనం గిరిప్రదక్షిణం చేస్తే మంచిది. 

అలాగే మార్గం మద్యలో మోక్షమార్గం కూడా ఉంటుంది. ఆ మార్గం గుండా ప్రవేశిస్తే మోక్షం కలుగుతుంది అని చెప్పుతుంటారు.

సద్గురు రమణ మహర్షి ఆశ్రమం.

అనేక ప్రాచీన ఆలయాలు, తీర్థాలు, పుణ్యసంఘాలు ఈ మార్గంలో ఉంటాయి.

3. అరుణాచలం గిరి ప్రదక్షిణ చేయడవలన #ప్రయోజనం ఏమిటి?

పాప విమోచనం: గత జన్మల పాపాలు తొలగుతాయి.

మనశ్శాంతి: పర్వతం స్వయంగా శివుడైనందున, చుట్టూ తిరిగితే మనస్సుకు శాంతి లభిస్తుంది.

కార్మిక శక్తిని ఆధ్యాత్మిక శక్తిగా మార్చే మార్గం.

ఇచ్ఛల సాఫల్యం: సరైన నియమాలతో, శ్రద్ధతో చేసిన గిరిప్రదక్షిణ ఫలితంగా కోరికలు నెరవేరతాయి.

4. #అరుణాచలం ఎలా వెళ్ళాలి?

అరుణాచలం స్థానం: తమిళనాడు రాష్ట్రంలోని తిరువణ్ణామలై పట్టణంలో ఉంది.

#హైదరాబాద్‌ నుంచి వెళ్ళాలంటే:

#బస్సు: హైదరాబాద్‌ – తిరువణ్ణామలైకి ప్రత్యక్ష బస్సు లేదు. అయితే చిత్తూరు/వెల్లూరు వరకు బస్సు/రైలు ఎక్కి, అక్కడి నుంచి స్థానిక బస్సు లేదా టాక్సీ ద్వారా వెళ్లొచ్చు.

#రైలు: తిరుపతి/కాట్పాడి (వెల్లూరు) వరకు రైలు తీసుకుని అక్కడి నుంచి అరుణాచలానికి వెళ్లవచ్చు.

#కారు: సొంత వాహనంలో వెళ్లాలంటే ~650 కిమీ దూరం, సుమారు 12 గంటలు పడుతుంది.

#విమాన మార్గం: చెన్నై వరకు విమానం తీసుకుని, అక్కడి నుంచి బస్సు లేదా కారు (సుమారు 190 కి.మీ) ద్వారా.

5. అరుణాచలంలో ఉండడానికి ఏర్పాట్లు:

#ధర్మశాలలు:

 రమణాశ్రమం, సద్గురు ఆశ్రమాలు, శైవ మఠాలు.

#హోటల్స్: తిరువణ్ణామలైలో మంచి హోటల్స్ అందుబాటులో ఉంటాయి – ముందుగానే బుక్ చేసుకోవడం మంచిది.

#ఆహారం: సాధారణంగా స్వచ్చమైన సౌత్ ఇండియన్ భోజనం అందుబాటులో ఉంటుంది.

#సూచనలు:

1. మొదటిసారి వెళ్లే వారు రమణాశ్రమంలో గైడ్ చేయించే సమాచారాన్ని తీసుకోవచ్చు.

2. క్షేత్రానికి వెళ్లేముందు శారీరకంగా, మానసికంగా సన్నద్ధత అవసరం.

3. గిరి ప్రదక్షిణ సమయంలో చెప్పులు తొలగించి నడవడం ఉత్తమంగా భావిస్తారు.

4. వర్షాకాలం కాకుండా, శీతాకాలం (నవంబర్–ఫిబ్రవరి) ఉత్తమ సమయం.

సాయంత్రం తలుపులు ఎందుకు తీసి ఉంచాలి..?

 సాయంత్రం తలుపులు ఎందుకు తీసి ఉంచాలి..?

సాయంత్రం తలుపులు ఎందుకు తీసి ఉంచాలి..?

సాయంకాల సమయంలో తలుపులు మూయకూడదని పెద్దవాళ్ళు చెబుతూ ఉంటారు. దానికి ఒక ముఖ్యమైన కారణం ఉంది.

సాయంకాలం పూట జ్యేష్టాదేవి వెనుక ద్వారం వైపునుంచీ, మహాలక్ష్మి సింహద్వారం నుంచి ఇంట్లోకి ప్రవేశిస్తారు. అందుకని సంద్యా సమయం లోపలే ఇంటిని శుభ్రం చేసి లక్ష్మీ దేవి ఆగమనానికి స్వాగతం పలకాలి.

ఆ సమయంలో వెనుకవైపు తలుపులు మూసి ఉంచాలి.

#devotionalknowledge #khatagutta

విష్ణువుకి ప్రియమైన పుష్పాలు ఏమిటి..?

 విష్ణువుకి ప్రియమైన పుష్పాలు ఏమిటి..?

1. అహింసా పుష్పం

ఏ ప్రాణికీ మానసికంగా బాధ కలిగించకుండా ఉండటమే దేవునికి సమర్పించే ప్రధమ పుష్పం.

2. ఇంద్రియ నిగ్రహం

చేతులు, కాళ్లు మొదలైన కర్మేంద్రియాలను అదుపులో ఉంచుకోవడమే దేవునికి అందించాల్సిన రెండో పుష్పం.

3.దయ

కష్టాల్లో, బాధలో ఉన్న వారిబాధను తొలగించడానికి చేసేదే దయ. ఇది దేవునికి అర్పించే మూడో పుష్పం.

4.క్షమ

ఎవరైనా మనకి అపకారం చేసినా, ఓర్పుతో సహించడమే క్షమ. ఇది దేవునికి సమర్పించే నాలుగవ పుష్పం.

5. ధ్యానం

ఇష్ట దైవాన్ని నిరంతరం మనసులో తలచుకుంటూ ఆయన మీదే మనసు లగ్నం చేయడం. ఇది దేవునికి అందించే ఐదో పుష్పం.

6. తపస్సు

మానసిక (మనస్సు), వాచిక (మాట), కాయక (శరీరం)లకు నియమాలు ఉండడం తపస్సు. ఇది దేవునికిచ్చే ఆరవ పుష్పం
.
7. జ్ఞానం

పరమాత్మ గురించి సరైన తెలివితో ఉండడమే జ్ఞానం. ఇది దేవునికి అర్చించాల్సిన ఏడవ పుష్పం
.
8. సత్యం

ఇతరులకు బాధ కలుగకుండా నిజాన్ని చెప్పడమే సత్యం. ఇది దేవునికి అలంకరించాల్సిన ఎనిమిదవ పుష్పం.
అహింస ప్రథమం పుష్పం పుష్పం ఇంద్రియ నిగ్రహః

విశేషత
శ్రీ భూత దయా పుప్పం క్షమా పుష్ప
జ్ఞాన పుష్పం తప: పుష్పం శాంతి పుష్పం తథైవ చ సత్యం అష్ట విధం పుష్పా: పెద్ద హో ప్రీతి కరం

అంతర్వేది పుణ్యక్షేత్రం* *వేయి మందితో లలితా సహస్రనామ స్తోత్ర పారాయణ కార్యక్రమం.

 *అంతర్వేది పుణ్యక్షేత్రం*

*వేయి మందితో లలితా సహస్రనామ స్తోత్ర పారాయణ కార్యక్రమం.*
తేదీ 09.10.25 ఆదివారం - 02.00 గం-04.00 గం వరకు.

అంతర్వేది శ్రీ లక్ష్మి నరసింహ స్వామి దేవస్థానం - అద్భుతమైన అవకాశం.

* *ఉచిత బస్సు ఏర్పాటు* ఏ ప్రాంతం నుంచయినా 30-50 మంది ఉంటే , ఆ సంఖ్యకు అనుగుణంగా దేవస్థానం వారు ఆ ప్రాంతం నుంచి రాను పోను బస్సు ఏర్పాటు చేస్తారు.
* *ఉచిత దర్శనం* ఆయా బస్సుల్లో చేరుకున్న భక్తులకు ప్రత్యేక దర్శనం ఏర్పాటు ఉంటుంది.
* *భోజనం ఏర్పాటు:* దర్శనానంతరం భక్తులకు ఉచిత అన్న ప్రసాద ఏర్పాటు ఉంటుంది.
* *సహస్ర గళ నామ పారాయణం:* రెండు గంటల నుంచి నాలుగు గంటల వరకు పారాయణ. పారాయణ చేయలేని వారు కూడా ఈ కార్యక్రమంలో పాల్గొని తరించగలరు.
* *తిరుగు ప్రయాణం* పారాయణ అనంతరం, అవే బస్సుల్లో తిరిగి వారి వారి ఊర్లలో ఉచితంగా చేరవేస్తారు.
కావున ఈ అద్భుతమైన అవకాశం భక్తులు వినియోగించుకుని తరించగలరు.

వివరాలకు, ప్రయాణ ఏర్పాటుకు సంప్రదించండి.

*గమనిక:* ఉచిత బస్సు ఏర్పాటుకు కనీసంగా 30 మంది ఉండాలి

*వేంకట రామయ్య మిర్తిపాటి*
9492547187

స్త్రీలు సోమవారంనాడు తలస్నానం చేయకూడదు అని అంటారు కొందరు. ఇది నిజమా? ఎందుకు చేయకూడదు?*

 *స్త్రీలు సోమవారంనాడు తలస్నానం చేయకూడదు అని అంటారు కొందరు. ఇది నిజమా? ఎందుకు చేయకూడదు?*

స్త్రీలు సోమవారం తలస్నానం చేయకూడదు అని కొన్ని ప్రాంతీయ సంప్రదాయాల్లో లేదా వృద్ధులు చెప్పే ఆచారాల్లో కనిపించే మాట. అయితే దీని గురించి శాస్త్రీయంగా చెప్పబడిన స్పష్టమైన మంత్రాలు లేక ఆధారాలు చాలా అరుదుగా కనిపిస్తాయి. అయినప్పటికీ, దీనికి కొన్ని సంప్రదాయిక మరియు ఆచారాత్మక కారణాలు ఉన్నాయి. 

1. శివుని వ్రత దినం కావడం:

సోమవారం పరమశివుని ఉపాసన దినంగా పరిగణించబడుతుంది. శివుని వ్రతం చేస్తూ నిండుగా భక్తితో ఉపవాసం, జపం, పూజలు చేయడం అనేకమంది చేస్తారు. ఈ రోజు తలస్నానం చేయకుండా, శుద్ధతతో పూజలో పాల్గొనాలని భావించే సంప్రదాయం ఉంది. కానీ ఇందులో తలస్నానం మానివేయాలన్న నిబంధన ఖచ్చితంగా లేదు.

2. ఋతుకాల సమయంలో నిషేధం:

కొన్ని సంప్రదాయాల ప్రకారం, సోమవారం తలస్నానం చేయడం వల్ల “శీతలత” ఎక్కువగా వచ్చి, స్త్రీల హార్మోనల్ వ్యవస్థపై ప్రభావం చూపుతుందనే అభిప్రాయం ఉంది. ఇది ఎక్కువగా ఆరోగ్యపరమైన ఆచారంగా భావించవచ్చు.

కొన్ని సోమవార వ్రతాలలో (ప్రముఖంగా సౌమ్య వ్రతం, మంగళ గౌరీ వ్రతం వంటివి) తలస్నానం చేయకుండా ఉండటం వ్రత నియమాలలో భాగంగా చెప్పబడింది. కానీ ఇది అన్ని వ్రతాలకూ వర్తించదు.

ధర్మశాస్త్రాలలో కానీ, వ్రతచంద్రిక, నీలమత పురాణం, గృహ్య సూత్రాలలో మాత్రం “స్త్రీలు సోమవారం తలస్నానం చేయరాదు” అనే నిబంధన కనిపించదు. అలాంటి స్పష్టమైన నిషేధం లేదు.గ

• మీరు శివుని వ్రతం చేస్తుంటే, ఏవైనా నియమాలు ఆ వ్రతకై ప్రామాణిక గ్రంథంలో ఉన్నాయా అనేది చూడండి.

• ఆరోగ్యపరంగా సమస్యలేమీ లేకపోతే తలస్నానం చేయవచ్చు.

• వృద్ధుల మాట వినడం మంచిదే, కానీ దాని వెనుక ఆధారాలు తెలుసుకుని ఆచరించడమే ఉత్తమం.

“స్త్రీలు సోమవారం తలస్నానం చేయకూడదు” అనే మాట సంప్రదాయానికి సంబంధించినది, కానీ అది శాస్త్రీయంగా ఖచ్చితమైన నిషేధం కాదు. వ్రత నియమాల ప్రకారం మాత్రమే కొన్ని సందర్భాల్లో పాటించవచ్చు.”హరే కృష్ణ 🙏

సరస్వతి నది పుష్కరాలు

 సరస్వతి నది పుష్కరాలు ప్రారంభం🚩 

భారతదేశ చరిత్ర , పురాణాలలో సరస్వతి నదికి ఎంతో ప్రాధాన్యత ఉంది. త్రివేణి సంగమంలో సరస్వతి నది కూడా ఓ భాగం. పురాణాలు , చరిత్రలో ఎంతో ప్రాధాన్యత కలిగిన సరస్వతి నది ప్రస్తుతం కనిపించదు. కొన్ని ప్రాంతాల్లో మాత్రమే కనిపిస్తుంది. ఇక త్వరలోనే ఈ నది పుష్కరాలు రాబోతున్నాయి. 

భారతదేశం ఎన్నో పవిత్ర నదులకు పుట్టిల్లు. పంచభూతాల్లో ఒకటైన నీటిని మన దేశంలో పరమ పవిత్రంగా భావిస్తాం. అందుకే ఆ నీరు ప్రవహించే నదులను కూడా పూజిస్తాం.. వాటిల్లో స్నానాలు చేస్తే పాపాలు తొలగిపోతాయని.. సమస్యలు తీరుతాయని నమ్ముతాం. మన దేశంలో చాలా నదులకు పురాణాల్లో అత్యంత ప్రాముఖ్యత ఉంది. వాటిల్లో ఒకటి సరస్వతి నది. రుగ్వేదంలో దీని గురించి ప్రస్తావన ఉంది. సరస్వతి నది గురించి రుగ్వేదంలో "అంబితమే, నదీతమే, దేవీతమే" (ఉత్తమ తల్లి, ఉత్తమ నది, ఉత్తమ దేవత)గా కీర్తించారు. సరస్వతి నది ఒకప్పుడు భారతదేశంలోని వాయవ్య ప్రాంతంలో ప్రవహించిందని చెబుతారు.

సరస్వతీ నది జన్మస్థలం ప్రవాహ తీరం 

సరస్వతీ నది హిమాలయాల నుంచి ప్రారంభమై  భారతదేశంలోని అనేక రాష్ట్రాల గుండా ప్రవహించి.. చివరకు అరేబియా సముద్రంలో కలుస్తుందని పురాతన గ్రంథాలు, భూగర్భ శాస్త్రవేత్తల అధ్యయనాలు సూచిస్తున్నాయి. రుగ్వేదంలో సరస్వతి నది యమునా, సట్లెజ్ నదుల మధ్య ప్రవహించినట్లు పేర్కొనబడింది. దీని ఆధారంగా.. సరస్వతీ నదిని ఆధునిక కాలంలో గగ్గర్-హక్రా నది వ్యవస్థగా గుర్తించారు. ఈ నది హిమాచల్ ప్రదేశ్‌లోని శివాలిక్ కొండల నుంచి ప్రారంభమై, పంజాబ్, హర్యానా, రాజస్తాన్ రాష్ట్రాల గుండా ప్రవహించి,.. గుజరాత్‌లోని రణ్ ఆఫ్ కచ్‌ వద్ద సముద్రంలో కలిసినట్లు చెబుతున్నారు. ప్రస్తుతం ఈ నది మనకు కనిపిస్తుందా అంటే లేదు. సుమారు 4000-5000 సంవత్సరాల క్రితం చోటు చేసుకున్న భౌగోళిక, వాతావరణ మార్పుల వల్ల ఈ నది ఎడారిలో.. తన ఆనవాళ్లను వదిలి అదృశ్యమైందని శాస్త్రవేత్తలు అంచనా వేస్తున్నారు.

ప్రస్తుతం, సరస్వతీ నది భూగర్భంలో ప్రవహిస్తుందని, కొన్ని ప్రాంతాల్లో మాత్రమే ఉపరితలంపై కనిపిస్తుందని నమ్మకం. ఉత్తరాఖండ్‌లోని మన గ్రామం (మానా విలేజ్) సమీపంలో, బదరీనాథ్ వద్ద అలకనంద నదితో కలిసే సరస్వతీ నదిని ఒక ఉపనదిగా గుర్తిస్తారు. దీని ప్రకారం.. సరస్వతీ నది హిమాచల్ ప్రదేశ్, పంజాబ్, హర్యానా, రాజస్తాన్, గుజరాత్, ఉత్తరాఖండ్ రాష్ట్రాలతో చారిత్రక సంబంధం కలిగి ఉంది.

 ప్రారంభం ఎక్కడంటే.. 

సరస్వతీ నది ఆరంభం గురించి ప్రధానంగా రెండు అభిప్రాయాలు వినిపిస్తున్నాయి. వీటిల్లో ఒకటి పురాతనమైనది కాగా.. మరోకటి శాస్త్రీయమైనది. ఇక పురాణాల ప్రకారం చూసుకుంటే.. సరస్వతీ నది బ్రహ్మదేవుని కమండలం నుంచి ఉద్భవించి, హిమాలయాల్లోని ప్లక్ష వృక్షం వద్ద ప్రారంభమైందని చెబుతారు. అలానే శాస్త్రీయ అధ్యయనాల ప్రకారం చూసుకుంటే.. సరస్వతి నది హిమాచల్ ప్రదేశ్‌లోని శివాలిక్ కొండల్లోని హర్-కీ-దూన్ హిమానీనదం (గ్లేసియర్) నుంచి ఉద్భవించిందని కొన్ని కొందరు చెబుతుండగా.. గర్వాల్ ప్రాంతంలోని బందర్‌పూంచ్ మాసిఫ్ వద్ద ప్రారంభమైందని మరొక అభిప్రాయం ఉంది.

ఈ నది సట్లెజ్, యమునా నదులతో సంబంధం కలిగి ఉండేదని, తర్వాత భూకంపాల వల్ల దాని మార్గం మారిపోయిందని భూగర్భ శాస్త్రవేత్తలు తెలిపారు. ఉత్తరాఖండ్‌లోని మన గ్రామంలో సరస్వతీ నది ఉపరితలంపై కనిపించి, అలకనందలో కలుస్తుంది. కనుక మానా గ్రామం సరస్వతి నది ఆధునిక ఆరంభ స్థానంగా పరిగణిస్తున్నారు.

 చారిత్రక, ఆధ్యాత్మిక ప్రాముఖ్యత.. 

సరస్వతీ నది ఒకప్పుడు హరప్పా నాగరికతకు జీవనాధారంగా ఉండేదని ఆర్కియాలాజికల్ సర్వే ఆఫ్ ఇండియా అధ్యయనాలు సూచిస్తున్నాయి. నాటి ప్రజలు ఈ నదిని జ్ఞాన దేవతగా పూజించారు. సరస్వతి నది పుష్కరాలు భక్తులకు ఆధ్యాత్మిక శుద్ధిని, మోక్షాన్ని అందిస్తాయని నమ్మకం. పుష్కరాల సందర్భంగా లక్షలాది మంది భక్తులు తరలి వచ్చి ఈ నదిలో పవిత్ర స్నానం ఆచరిస్తారు.

మిగతా నదుల మాదిరే 12 సంవత్సరాలకు ఒకసారి సరస్వతీ నది పుష్కరాలు వస్తాయి. ఇది బృహస్పతి (గురు గ్రహం) మిథున రాశిలోకి ప్రవేశించినప్పుడు జరుగుతుంది. ఈ సారి 2025, మే 15 నుంచి మే 26 వరకు సరస్వతీ నది పుష్కరాలు జరగనున్నాయి.

నదీస్నానాలు, కోనేటి స్నానాలు, సముద్ర స్నానాలు, మంగళ స్నానాలు హిందువుల సాంప్రదాయం. అలాగే తీర్థయాత్రలు, పుణ్యక్షేత్రాల దర్శనం కూడా నీటితో ముడిపడి ఉంది. నదీ స్నానాలలో పుష్కర స్నానం పుణ్యప్రదమని పురాణాల ద్వారా తెలుస్తోంది. జీవరాశులకు నీటి ఆవస్యకత.. ప్రాముఖ్యతను పుష్కరాలు గుర్తు చేస్తాయి.

ఈ నెల 15 నుంచి 26వ తేదీ వరకు 12 రోజులపాటు సరస్వతీనది పుష్కరాలు వైభవంగి జరుగనున్నాయి . ఈ సమయంలో సరస్వతి నదితీరంలో పితృదేవతలకు పిండ ప్రదానం చేస్తారు. ఏ నదిలో పుష్కరాలు జరుగుతున్నాయో ఆ నదిలో పవిత్ర స్నానాలు ఆచరిస్తే పాపాల నుంచి విముక్తి కలుగుతుందని సరస్వతి నది పుష్కరాలకు సిద్ధమవుతుంది. తెలంగాణలోని కాళేశ్వరంలో సరస్వతినదిలో పవిత్ర స్నానాలు చేసేందుకు భక్తులు సిద్దమవుతున్నారు.

తెలంగాణలోని కాళేశ్వరంలో గోదావరి - ప్రాణహితలతో పాటుగా సరస్వతి కూడా అంతర్వాహినిగా ప్రవహిస్తోందని నమ్మకం అందువల్ల కాళేశ్వరంలో పుష్కరాల కోసం ఏర్పాట్లు చేస్తున్నారు.